| the trip of TAIWAN with my (a"ene'')一個sweetsweet既台灣之旅 最開心都係我送比你既禮物^^同同你一齊影既相-仲有一齊相處既感覺 整整準備左兩個月-不過太部都係老婆預備.. before the trip~16/11 前一日已經買左個好靚既行李箱,用黎今次和以後同a ene去旅行用嘰 今日一早起身,就同老婆sms,她叫我 好快d拾下行李,睇下有咩冇拾,好細心呵^^不過我等到夜晚去老婆屋企前一兩個鐘先拾....因為之前仲有d好緊要既事要做!!!每次同老婆行街經過手飾店,她都話點解我地隻手好似咩都冇咁..=.=好似差一點銀色又有d閃閃地既野....我當然話我冇錢買啦!!如果一定要就去找個有錢的...哈哈..大話黎架..我好最呢樣東西係美麗既時刻先送比你^^所以呢日偷偷地出左陣街買,仲有之前見到個相架好靚所以買下來,都係等一個美麗既時刻出現先送!!相架裡貼上左好多我地一齊影既相,貼上左我地既回憶^^中間有一個大吉位係放今次旅行既相^^所有野已經準備好了..拾行李箱喇..望一望鐘..不知不覺整個相架已經六點幾.. DAY 1~~17/11 大清早-7點就要起身..搭機場巴士去機場..呢日咁岩我老友阿豪又係去旅行(北京)..所以約左一齊去機場食我期待已久既BURGER KING^^ 好好食丫~~因為我地遲左check in所以冇得一齊坐 好彩有個好心既男士願意同我換位 他識下唔比我坐丫 我唔會放過他..去到台灣中正機場-酒店一切都好暢利^^ 之前預備左既禮物本來想留番去淡水(台灣靚既地方)既時候先送,但真係好心急,所以定力一般既我就那左個相架出黎了...老婆既反應當然係好開心啦..這是我預計之內的,之後我偷偷地拎左隻介子出黎..親她仲高興既時候戴上她手上..我說:[好像鬆左小小噃....]老婆呆左咁望住我,之後仲喊左出黎,我完全冇想過她會這樣..她說從未試過開心到喊..那時好開心 我都唔知點好,只好等她喊夠先說話  對於我黎講,有野做/賺到錢既開心都不及製造一個驚喜比老婆更加開心有滿足感 ~ ~ 之後就急不及待去開始我地既旅程^^去台灣當然就係食啦!!~~雖然我黎過一次....但原來都係唔識路嘰..搵左好耐西門町先搵到我極力推薦既"阿宗麪線" 好食呵~~~阿宗麪線一定有人落左降!!點會咁好食..點會食完一碗又想再食架... 好彩一般定力既我都忍到^^ 開始我地既第一站[東區][忠孝路]那裡好多日本進口既衣服,好多鋪頭仔,條街都好似日本..最重要個邊有間叫"杜小月"它的肉燥好食到暈!!~~ 哈哈..睇下我地表情..憤怒中...我地找呢間鋪找左兩個鐘..=.=""之後我地去第一日既最後一個行程[通化夜市]今次黎無揀夜市去..每日晚上既節目都係逛夜市..my god..這是錯的..[通化夜市]好像是女人街既番版..小野食又冇咩香港冇既野睇..不過老婆有收獲噃..就係六條under..=.=""我既收獲就係食左個幾好味既"割包""仙草奶茶" 仲有一杯極力推介既"霜乳奶茶"它有三層味道,要分開三層黎飲先飲到它的精髓,第一層係奶泡,第二層係茶,第三層係茶同糖漿.好好飲~~真係好好飲~~鋪頭在[通化夜市]入口隔離,我地前後飲左兩杯第一日完......... DAY 2~~18/11 只訓了六個小時...食個早餐先^^酒店樓下有間聲稱''牛乳大王''既餐廳,裝修簡單新淨,自助形式,出名乳酪@@食左個滿足既早餐 之後係[西門町]逛左陣..周圍兜周圍行...最部都係女仔野  ..只好陪老婆買下化妝品同頭飾丫..髮夾丫..等等..不過都開心嘰^^我影左好多她揀野既相^^好靚!!以後去左[信義]那裡就係"101"存在既地方 ,周圍都是百貨公司"誠品書店"......好彩老婆同我對書都冇咩興趣,唔洗浪費時間係"誠品"頭一二日我地都唔係行街嘰..只掛住影相^^去到幾好既地方就影餐飽的  跟住去左我經常掛在咀邊,不去就笨既''鼎泰豐''食小寵包(在101搭的士唔洗HK三十蚊)^^老婆不嬲都小食小寵包,所以對呢樣冇咩反應...我以前連小寵包係咩都唔知....係上次黎台灣既時候食過呢間先愛上左''鼎泰豐''既小寵包... 有咩可能小寵包層個包皮咁薄..食左廿隻,一d汁都冇流出黎!!咬落去先爆.....老婆說這是台灣最好最好食既食物!!!在"鼎泰豐"隔離街行入去有一街長街,裡頭有好多好精緻既鋪頭,有茶館,有麪包店......所有裝修都好靚,有一間叫"冰館",雪糕下有沙冰再加生果,去到既時候不算夜,但好多款都賣哂... 又番番"101"入夜了,諗住上101觀光,睇睇台北夜境,不過要hk$100一個,因為唔合乎經濟原則低下我地冇上到去..但我地係101負近見到個"LOVE"字既建築..太靚喇,又岩FEEL^^忍唔住係度影左一個鐘相 跟住又係夜市^^"饒河夜市"呢度比琴日去既"通化夜市"好得多~~好多野食^^老婆第一次食到'雞排',食到她唔停口^^仲有'胡椒餅'都好好食!!!!! 飽死了..仲未完...我地再番[西門]又逛左陣,再買串燒番酒店食^^ 第二日完...... DAY 3~~19/11 再行埋今日就可以去溫泉酒店抖下喇由於手信同小弟死都要返去[東區]一次,老婆被迫同我去多次[東區]買野老婆知我買唔到野唔係咁滿足所以陪我走多次,老婆真係好好丫!!!..結果買左一條頸巾..... 之後我地去左[淡水](滿靚的地方)..可能係星期日既關係,好多一家大細都黎[淡水]..好多人..黎到個感覺同印象都扣哂分...好彩仲有個日落境比我同老婆分嚮 接下來我地去左[劍潭][士林夜市] 這裡有檔叫[豪大大雞排]經常排長龍的,又係好好食 仲有"十全排骨"都非常好食^^ 之後我地源住[劍潭]行到去[士林]...老婆累死了..因為小弟不甘只是買左一條頸巾..累左老婆同我又行左兩個鐘..仲要拎住好多野...因為我地之後會去溫泉酒店..聽日先番[西門]拎行李....:'''(終於去到溫泉酒店喇!!我地去左[北投]既"荷豐館"一出[北投站]就閒到好大陣硫黃味@@周圍都有好多溫泉酒店,每間裝修都非常豪華^^我地去個間都唔差丫!! 間房雖然細細地,但廁所就好唔同喇,好大,又有個大浴缸~~ 好早就休息喇..因為聽日要準備番香港同去台灣OUI internetional做casting^^ 第三日完.. DAY 4~~20/11 到last day了..又唔捨得台灣呵..太多好野食了..憂心番到香港可以食到d咩..一早起身食個早餐就出發去model agent 公司[東區][忠孝復興站],做完casting就番[西門]再食多次"阿宗麪線"^^哈哈實在太好味了@@之後買小小手信就番酒店拎行李... ..去到機場我地又係咁食買番香港既手信..^^ 鐵蛋...鴨翅...終於番到香港喇@@老婆的姐姐黎接我地丫 好開心一番到黎就見到親人^^仲未番到屋企住丫^^因為老婆所有行李同手信都放哂係我度..去左老婆屋企分贓先 ... 番到香港都仲未習慣番生活同飲食..係屋企休息左整整兩日..食既都食台灣既野食...點算...........已經習慣左同老婆生活喇!!好想一齊住呵~~現在要做好準備下年去台灣走走@@睇下個邊有冇發展..同時又可以同您相處十分期待~~ |
